امریکی سینیٹ نے مواخذہ مسترد کرتے ہوئے ڈونلڈ ٹرمپ کو بری کر دیا

تفصیلات کے مطابق سابق امریکی صدر ڈونلڈ ٹرمپ پر کیپٹل ہل حملہ کیس میں دوسرےمواخذے کا مقدمہ پانچ دن تک جاری رہا۔ جس میں دونوں ایوان کے منتظمین اور دفاعی وکلاءثبوت اور دلائل پیش کرتے رہے۔

سابق صدر کے مواخذے پر امریکی سینیٹ میں ووٹنگ  ہو ئی۔ جس میں 57 سینیٹرز نے ٹرمپ کو مجرم قرار دینے کے حق میں جبکہ 43 میں مخالفت نے ووٹ دیا ۔100نشستوں پر مشتمل سینیٹ میں اس وقت ڈیموکریٹک اور ری پبلکن پارٹی کے 50-50 ارکان ہیں۔ صدر کے مواخذے یا انہیں مجرم ثابت کرنے کے لیے ایوان سے دو تہائی یعنی 67 ووٹوں کی ضرورت تھی۔17 ری پبلیکنز کے ووٹ درکار تھے لیکن صرف 6 ری پبلیکنز نے ہی مخالفت میں ووٹ دیا۔

اپنی بریت کے بعد سابق صدر ڈونلڈ ٹرمپ نے ایک بیان جاری کرتے ہوئے اس مقدمے کی مذمت کی اور کہا کہ یہ تاریخ کی سب سے بڑی الزام تراشی ہے۔ٹرمپ نے سینیٹ کے فیصلے کا خیر مقدم  کرتے ہوئے ۔اپنی قانونی ٹیم کا شکریہ ادا کیا۔ٹرمپ نے کہا ۔ ڈیموکریٹس کی  جانب سے میرے سیاسی کیریئر کو ختم کرنے کی کوشش  ناکام ہوگئی ، میں اپنے حامیوں کو یہ کہتا ہوکہ امریکہ کو عظیم بنانے کے لئے ہماری تاریخی اورمحب وطن تحریک ابھی شروع ہوئی ہے۔