گلوکار ابرارالحق کی گاڑی حادثے کا شکار

جی این این کے مطابق گلوکار ابرارالحق کی گاڑی کو حادثہ جی ٹی روڈ گکھڑ کے قریب پیش آیا، جہاںگاڑی شدید  دھند کے باعث ڈیوائیڈر سے ٹکر اگئی ۔حادثے کی اطلاع ملتے ہی ریسکیو حکام جائے حادثہ پر پہنچ گئے۔ریسکیو ذرائع کے مطابق حادثے میں پی ٹی آئی رہنما اور دیگر اہلخانہ محفوظ رہے جبکہ ان کا بھتیجا زخمی ہو گیا۔

واضح رہے کہ پنجاب کے مختلف علاقوں‌ میں‌ دھند کا راج ہے، حدنگاہ انتہائی کم ہونے کے سبب موٹروے کو مختلف مقامات سے بند کر دیا گیا، سول ایوی ایشن حکام نے لاہور ایئرپورٹ‌ پر‌ فضائی آپریشن معطل کر دیا۔

 موٹروے پولیس کے مطابق موٹروے ایم تھری کو لاہور سے سمندری ، لاہورسے عبدالحکیم، موٹروے ایم فورپنڈی بھٹیاں سے شام کوٹ، فیصل آباد سے پنڈی بھٹیاں تک بند کر دیا گیا۔ ترجمان کا کہنا ہے کہ شہری بلا ضرورت سفر سے گریز کریں اور گاڑیوں میں فوگ لائٹس کا استعمال لازمی کریں۔