ضلع غذرکے مختلف پہاڑوں پر گلیئشیر پگھلنے لگے

تفصیلات کے مطابق  ضلع غذر میں گلیشیئر پگھلنے کے باعث نالوں اور دریائے غذر کے بہاؤ میں اضافہ ہو گیا ہے جس کے بعد نشیبی علاقوں سے قریبی آبادی  کو محفوظ مقام پر منتقل کر دیا گیا ہے ۔مختلف مقامات پر منجمند جھیلیں  بھی ٹوٹنے کاخدشہ ہے ۔

شاہراہ قراقرم لال پڑی سے تتہ پانی تک لینڈسلائیڈنگ  کے باعث بند ہے ۔ گشگش کے مقام پر دریائی کٹاؤ کی زدمیں آنے والا اشکومن روڈ آج تیسرے روز بھی بند ہے۔ تحصیل اشکومن کا گاہکوچ شہر اور گلگت سے زمینی رابطہ منقطع ہو چکا ہے، بارست میں گزشتہ روز لینڈسلائیڈنگ سے سڑک تاحال بند ہے۔مقامی ذرائع کاکہنا ہے کہ بٹورا گلیشئیر میں پانی کا راستہ تبدیل کرنے سے شاہراہ قراقرم کو خطرہ ہے ۔