ویانا:وزیراعظم شہبازشریف آسٹرین چانسلر پہنچ گئے، پرتپاک استقبال، گارڈ آف آنر پیش

ویانا: وزیراعظم شہباز شریف ویانا میں آسٹرین چانسلری پہنچ گئے جہاں ان کا پرتپاک استقبال کیا گیا اور انہیں گارڈ آف آنر پیش کیا گیا۔

اس موقع پر آسٹریا کے چانسلر کرسچن سٹاکر نے وزیراعظم شہباز شریف کا استقبالیہ تقریب کے لیے چانسلری پہنچنے پر استقبال کیا، خوش آمدید کہا اور وزیراعظم کا اپنی کابینہ کے ارکان سے تعارف کروایا۔وزیراعظم نے بھی چانسلر کرسچن اسٹاکر سے اپنے وفد کا تعارف کرایا۔

اس موقع پر محمدشہبازشریف نے مہمانوں کی کتاب میں تاثرات درج کئے ۔وزیراعظم کایہ دورہ پاکستان اورآسٹریا کے درمیان مختلف شعبوں میں تعاون کو وسعت دینے کیلئے انتہائی اہمیت کا حامل ہے۔

خیال رہے کہ وزیر اعظم محمدشہبازشریف تین دہائیوں سے زائد عرصے میں آسٹریاکا دورہ کرنے والے پہلے پاکستانی وزیراعظم ہیں۔آسڑیا کی فوج کے چاق وچوبنددستے نے وزیراعظم پاکستان کو سلامی دی ۔استقبالیہ تقریب کے آغاز پر پاکستان اورآسٹریا کےقومی ترانے بجائے گئے۔