بیتھل کی اسنچری رائیگاں، انگلینڈ کو سننسی خیز مقابلے کے بعد7 رنز سے شکست، بھارت میں فائنل میں پہنچ گیا

ممبئی : آئی سی سی ٹی ٹوئنٹی ورلڈ کپ کے دوسرے سیمی فائنل میں بھارت نے سنسی خیز مقابلے کےبعد انگلینڈ کو 7 رنز سے شکست دے کر فائنل کیلئے کوالیفائی کر لیا۔

انگلینڈ کی جانب سے بیتھل نے جارحانہ بلے بازی کا مظاہرہ کرتے ہوئے شاندار اسنچری اسکور کی مگر وہ اپنی ٹیم کو فتح سے ہمکنار نہ کرسکیں، بیتھل 105رنز بنا کر آخری اوور میں رن آؤٹ ہو گئے۔

دیگر کھلاڑیوںمیں ویک جیکس 35 جوش بٹلر 25،ٹام بنٹن ،سیم کرن 18،کپتان ہیری بروک 7 اور فل سالٹ 5 رنز بنا کر آؤٹ ہو گئے۔

بھارت کی جانب سے ہاردیک پانڈیا نے 2،ارشدیپ سنگھ، جسپریت بمرا، اکشر پٹیل اور ورن چکرورتی نے ایک ایک وکٹ حاصل کی۔

اس سے قبل انگلینڈ نے ٹاس جیت کر پہلے گیند بازی کرنے کا فیصلہ کیا جو کہ درست ثابت نہ ہوا۔

بھارت نے مقررہ 20 اوورز میں 7 وکٹوں کے نقصان پر 253 رنز بنائے۔ 15 رنز پر کیچ ڈراپ ہونے کے بعد بھارتی بیٹر سنجو سیمسن نے 89 رنز کی شاندار اننگز کھیلی۔

اس کے علاوہ شیوام دوبے نے 43 ، ایشان کشن 39، سوریا کمار یادیو 11، ہاردک پانڈیا 27 اور تلک ورما نے 21 رنز بنائے،انگلینڈ کی جانب سے  ول جیکس اور عادل راشد نے 2، 2  وکٹیں حاصل کیں۔

واضح رہے کہ آئی سی سی ٹی ٹوئنٹی ورلڈکپ کے پہلے سیمی فائنل نے نیوزی لینڈ نے جنوبی افریقا کو شکست دے کر فائنل کیلئے کوالیفائی کرلیا ہے۔

 ٹی ٹوئنٹی ورلڈکپ 2026 کا فائنل اتوار کو احمد آباد میں کھیلا جائے گا۔