ملک بھر میں آج گرج چمک کے ساتھ بارش کا امکان

تفصیلات کے مطابق محکمہ موسمیات کا کہنا ہے کہ آج اسلام آباد میں گرج چمک کے ساتھ بارش کا امکان ہے ۔

کشمیرمیں تیز ہوا ؤں اور گرج چمک کےساتھ بارش کی توقع ہے ،گلگت بلتستان میں بھی تیز ہواؤں اور گرج چمک کےساتھ بارش کاامکان ہے ۔

پنجاب کے خطہ پوٹھوہار،سیالکوٹ،گجرات،نارووال جبکہ لاہور،گوجرانوالہ،منڈی بہاؤالدین،فیصل آباد،سرگودھا ،میانوالی، لیہ، بھکر، ڈی جی خان ،بہاولنگرمیں تیز ہواؤں اورگرج چمک کے ساتھ بارش کا امکان ہے ۔

خیبر پختونخواہ کے مختلف شہروں ایبٹ آباد ،مانسہرہ ، کوہستان،شانگلہ، سوات،دیر، مالاکنڈ، پشاور،کرم ،کوہاٹ، بنوں ،وز یرستان اور ڈی آئی خان میں تیز ہواؤں کےساتھ بارش کا امکان ہے

سندھ کے بیشتر جنوبی اضلاع میں مطلع ابر آلود رہنے کی توقع ہے جبکہ کراچی، ٹھٹھہ،بدین اور تھر پارکرمیں بوندا باندی کا امکان ہے ۔