قندھار ائیر پورٹ پر میزائل حملے ، فلائٹ آپریشن معطل

غیر ملکی خبار رساں ادارے کے مطابق کسی نے راکٹ حملوں کی ذمے داری قبول کی ہے، فوری طور پر کسی جانی و مالی نقصان کی کوئی اطلاع نہیں ہے۔

ایئرپورٹ حکام کا کہنا ہے کہ رات کے وقت تین راکٹ فائر کیے گئے جن میں سے دو رن وے پر گرے،  جس کے بعد فلائٹ آپریشن معطل کردیا گیا۔

ائیر پورٹ  کے سربراہ نے مزید کہا کہ رن وے کی مرمت کا کام جاری ہے اور توقع ہے کہ اتوار کے بعد ہوائی اڈہ آپریشنل ہو جائے گا۔کابل میں سول ایوی ایشن اتھارٹی کے ایک اہلکار نے راکٹ حملے کی تصدیق کی۔

دوسری جانب  طالبان کی قندھاراور لشکرگڑھ کی جانب بھی پیش قدمی جاری ہے جبکہ  افغان طالبان سے نمٹنے کیلئے  کابل میں افغان صدر نے  سابق جنگی سردار، سیاستدان ،  فوج اور انٹیلی جنس کے سابق سربراہان سے اہم ملاقات کی ہے۔

افغان صدارتی محل کی جانب سے جاری اعلامیہ میں کہا گیا ہے کہ  افغان رہنماؤں نے سیاسی مذاکرات کے ذریعہ افغانستان میں قیام امن کا مطالبہ کیا ہے  اور ملک کی سالمیت کے لئے لڑنے والی افغان فوج پر بھی اعتماد کا اظہار کیا۔