تیسرا ٹی ٹوئنٹی ، پاکستان نے جنوبی افریقہ کو 4 وکٹوں سے شکست دے دی

تفصیلات کے مطابق  پاکستان نے تین میچوں کی سیریز 1-2 سے جیت لی، کپتان بابر اعظم 44 رنز کے ساتھ ٹاپ سکورر رہے، محمد رضوان نے 42، حیدر علی  نے 15 رنز بنائے جبکہ  فہیم اشرف نے 10، آصف علی نے 7 رنز کا اضافہ کیا۔حسن علی 20، محمد نواز 18 رنز بناکر ناٹ آؤٹ رہے۔

تیسرے ٹی ٹوئنٹی میں  جنوبی افریقہ نے پاکستان کو جیت کے لیے 165 رنز کا ہدف دیا  تھا۔ پاکستان کی طرف سے زاہد محمود نے ڈیبیو پر 3 شکار کیے جبکہ  محمد نواز اور حسن علی نے دو دو وکٹیں حاصل کیں اور عثمان قادر کے حصے میں ایک وکٹ آئی۔

جنوبی افریقہ   کی جانب سے   ڈیوڈ ملر 85 رنز کے ساتھ ٹاپ سکور رہے جبکہ  جانیمن ملان نے 27، وین بلجون نے 16 رنز بنائے۔