اسحاق ڈار کا نیدر لینڈ کے وزیر خارجہ سے ٹیلیفونک رابطہ،علاقائی پیشرفت پر تبادلہ خیال

اسلام آباد:نائب وزیراعظم ووزیرخارجہ سینیٹر محمد اسحاق ڈار اور نیدر لینڈز کے وزیر خارجہ ٹام بیرینڈسن کے درمیان ٹیلی فونک رابطہ ہوا، جس میں دونوں رہنماؤں نے علاقائی پیشرفت پر تبادلہ خیال کیا ۔

ترجمان دفتر خارجہ کے مطابق نیدرلینڈز کے وزیر خارجہ نے دیرپا امن کیلئے پاکستان کی مسلسل کوششوں کی حمایت کا اظہار کیا، فریقین نے لبنان میں جنگ بندی کی سنگین خلاف ورزیوں پر تشویش کا اظہار کیا۔

ترجمان دفتر خارجہ کے مطابق دونوں رہنمائوں کا پائیدار امن کیلئے جنگ بندی پر مکمل عملدرآمد یقینی بنانے پر زور دیا۔

ترجمان دفتر خارجہ کے مطابق ٹیلیفونک رابطے میںدونوں ممالک نے تجارت، معیشت اور سرمایہ کاری کے شعبوں میں تعاون مزید مضبوط بنانے کے عزم کا بھی اظہار کیا۔