وفاقی حکومت بچوں کے مستقبل کو محفوظ بنانے کیلئے ترجیحی بنیادوں پر اقدامات اٹھا رہی ہے،وزیر اعظم

اسلام آباد: وزیر اعظم محمد شہباز شریف نے کہا ہے کہ حکومت قوم کے بچوں کے مستقبل کو محفوظ بنانے کیلئے ترجیحی بنیادوں پر اقدامات اٹھا رہی ہےپاکستان انسداد پولیو مہم جاری ہے جلد اس موذی مرض کے ملک سے مکمل خاتمے کیلئے پر عزم ہیں۔

تفصیلات کے مطابق پرنیل آئرنسائیڈ کی قیادت میں یونیسیف (UNICEF) کے وفد کی وزیر اعظم سے ملاقات کی، جس میں وزیر اعظم نے کہا کہ سیسے (LEAD) کے اثرات کی وجہ سے بچوں میں ذہنی و جسمانی نشونما کے مسائل پیدا ہوتے ہیں، اسکا سدباب ایک چیلنج ہے ۔

دوران ملاقات وزیر اعظم نے کہا کہ جس کیلئے ہر ممکن اقدام اٹھائیں گےحکومت اپنے بین الاقوامی شراکت داروں کے ساتھ تعاون سے سیسے کے اثرات کی روک تھام کیلئے اقدامات کے حوالے سے پر عزم ہے۔

شرکاء نے وزیرِ اعظم کا شکریہ ادا کیا اور پاکستان میں اپنے حالیہ دورے کے دوران سروے کے حوالے سے آگاہی دی شرکاء نے کہا کہ بچوں کی پولیو سمیت موذی امراض سے حفاظت کیلئے وزیر اعظم کی جانب سے لیے گئے اقدامات قابل ستائش ہیں پاکستان میں بچوں کے بیماریوں سے بچاؤ اور انکی نشو نما کیلئے خطرات کے سدباب کیلئے اقدامات دیکھ کر خوشی ہوئی۔

انہوں نے کہا کہ وزیرِ اعظم کی قیادت میں حکومت پاکستان صحت، تعلیم، نوجوانوں کی تربیت اور آئی ٹی کے شعبے میں گراں قدر اقدامات اٹھا رہی ہےوفد کے شرکاء نے وزیرِ اعظم کو سیسے کے صحت پر نقصان دہ اثرات پر بریفنگ دی اور پاکستان میں اس کے پھیلاؤ کے علاقوں کی نشاندہی کی ۔