پی ایس ایل: فائنل کی رنگا رنگ تقریب کا انعقاد، قذافی اسٹیڈیم میں ہاؤس فل 

لاہور: پاکستان سپر لیگ(پی ایس ایل )کی رنگا رنگ اختتامی تقریب قذافی اسٹیڈیم لاہور میں کیا گیا جبکہ شائقین کرکٹ کی بڑی تعداد اختتامی تقریب اور فائنل سے لطف اندوز ہونے کیلئے اسٹیڈیم میں موجود ہے۔

تفصیلات کے مطابق اختتامی تقریب کے آغاز پر ٹرافی کی رونمائی کی گئی۔ سابق کرکٹر ظہیر عباس اور سی ای او پی ایس ایل ٹرافی لے کر اسٹیج پر آئے۔ تقریب کا آغاز ایریل ڈانس پرفارمنس سے کیا گیا۔ اور خاتون جمناسٹر نے ائیر بیلون پر ڈانس پرفارمنس دی۔

جس کے بعد ملک کے معروف گلوکاروں نے تقریب کو اپنی پرفارمنس سے محظوظ کیا۔ گلوکار علی عظمت نے ملی نغمہ پیش کیا۔ جسے شائقین نے سراہا۔ جس کے بعد گلوکار عارف لوہار نے اسٹیج پر آکر تقریب کو چار چاند لگا دیئے۔

عاطف اسلم، آئمہ بیگ، اور صابری سسٹرز نے بھی اپنی پرفارمنس سے شائقین کو محظوظ کیا۔ عاطف اسلم اور آئمہ بیگ نے پرجوش انداز میں اپنی پرفارمنس دکھائی۔ تقریب کے اختتام پر شاندار آتش بازی بھی کی گئی۔

تقریب کے بعد ایونٹ کے فائنل میں حیدر آباد کنگزمین اور پشاور زلمی آمنے سامنے ہوں گے۔

پی ایس ایل کی نئی ٹیم حیدر آباد کنگز مین مارنوس لبوشین کی قیادت میں پر جوش ہے جب کہ سابق چیمپئن پشاور  زلمی کےکپتان بابر اعظم بھی جیت کے لیے پر عزم ہیں۔

خیال رہے کہپشاور زلمی 2017 کے بعد دوبارہ ٹائٹل جیتنے کے لیے پرعزم ہے۔ جبکہ حیدرآباد کی ٹیم اپنے پہلے سیزن کو یادگار بنانے کی کوشش میں ہے۔ فاتح ٹیم کو ٹرافی کے ساتھ 5 لاکھ امریکی ڈالرز انعام بھی دیا جائے گا۔