اسکولوں میں موسم گرما کی تعطیلات کب ہونگی؟ وزیر تعلیم کا اہم بیان آ گیا

لاہور: پنجاب کے سرکاری اسکولوں میں موسم گرما کی تعطیلات کے حوالے سے صوبائی وزیر تعلیم رانا سکندر کا اہم بیان سامنے آ گیا ۔

تفصیلات کے مطابق  پنجاب کے سرکاری سکولوں میں موسم گرما کی تعطیلات 25 مئی سے ہونے کا امکان ہے،ذرائع کے مطابق محکمہ سکول ایجوکیشن نے چھٹیوں کے لیے ابتدائی ڈیٹ فائنل کرلی، حتمی منظوری حکومت سے لی جائے گی۔جبکہ موسم گرما کی چھٹیوں 16 اگست تک ہونے کا امکان ہے۔

علاوہ ازیں صوبائی وزیر تعلیم رانا سکندر حیات نے اپنے بیان میں کہا کہ پنجاب کے سکولوں میں موسم گرما کی تعطیلات سے متعلق تاحال کوئی فیصلہ نہیں ہو سکا، چھٹیوں سے متعلق تین سے چار تجاویز پر غور جاری ہے۔

صوبائی رانا سکندر حیات نے مزید بتایا کہ سکولوں میں موسم گرما کی چھٹیوں سے متعلق حتمی فیصلہ آئندہ چند روز میں کر لیا جائے گا۔