سندھ حکومت نے عید الاضحیٰ کی تعطیلات کا اعلان کر دیا، کتنی چھٹیاں ملیں گی؟

کراچی:حکومت سندھ نے عید الاضحیٰ کے موقع پر صوبے بھر میں 4 روزہ تعطیلات کا اعلان کرتے ہوئے باقاعدہ نوٹیفکیشن جاری کر دیا ہے۔

جاری کر دہ اعلامیے کے مطابق سندھ میں سرکاری طور پر عیدالاضحیٰ کی 4 روز کی تعطیلات کا اعلان کردیا گیا گیا ہے۔

نوٹیفکیشن کے مطابق سندھ بھر میں 26 مئی سے 29 مئی 2026 تک عام تعطیلات ہوگی، صوبے میں منگل، بدھ، جمعرات اور جمعہ کو عام تعطیل ہوگی۔

نوٹیفکیشن میں کہا گیا ہے کہ عید الاضحیٰ کی تعطیلات کا اطلاق صوبے کے تمام سرکاری، نیم سرکاری اور بلدیاتی اداروں پر ہوگا تاہم ضروری خدمات انجام دینے والے ملازمین اور بجٹ کی تیاری میں مصروف عملہ ان تعطیلات سے مستثنیٰ ہوگا۔