سونا مسلسل دوسرے روز ہزاروں روپے مہنگا، نئی قیمت کیا ہو گئی؟

کراچی: عالمی ومقامی مارکیٹوں میں سونے کی قیمت میں مسلسل دوسرے روز ہزاروں روپے اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میں سونے کے نرخ میں 4370 روپے کا اضافہ ہونے سے نئی فی تولہ قیمت 4 لاکھ 44 ہزار 336 روپے ہو گئی ہے۔

ایسوسی ایشن کے مطابق اسی طرح دس گرام سونے کے نرخ میں 3933 روپے کا اضافہ ہوا ہے جس کے بعد نئے نرخ 3 لاکھ 79 ہزار 880 روپے ہو گئے ہیں۔

علاوہ ازاں ملک میں چاندی کی قیمت میں 200 روپے کا اضافہ ہونے سے قیمت 7279 روپے کی سطح پر پہنچ گئی ہے ۔

دوسری جانب عالمی بلین مارکیٹ میں سونے کے نرخ میں 43.70 ڈالر کا اضافہ ہوا ہے جس کے بعد فی اونس قیمت 4219 ڈالر ہو گئی ہے۔

خیال رہے کہ گزشتہ روز سونا 7250 روپے مہنگا ہوا تھا ، دو دن کے دوران سونے کی قیمت 11 ہزار 620 روپے بڑھ گئی ہے۔