ایرانی سپریم لیڈر خامنہ ای کی نماز جنازہ اور تدفین کا اعلان ہو گیا،تقریبات 6 روز تک جاری رہیں گی

تہران :امریکی و اسرائیلی جارحیت کے دوران شہید ہونے والے ایران کے سپریم لیڈر سید آیت اللہ خامنہ ای کی نماز جنازہ اور تدفین کا اعلان کر دیا گیا ہے۔

ایرانی میڈیا رپورٹس کے مطابق4 اور 5 جولائی کو شہید ایرانی سپریم لیڈر آیت اللہ خامنہ ای کی الوداعی تقریبات کا آغاز دارالحکومت تہران سے کیا جائے گا، جہاں انکی میت کو آخری دیدار کے لیے رکھا جائے گا اور انہیں خراجِ عقیدت پیش کیا جائے گا۔ رہبر اعلیٰ کی نمازِ جنازہ اور جنازے کا جلوس 6 جولائی کو نکالا جائے گا۔

اِسی طرح 7جولائی کو مقدس شہر قم میں بھی جنازے کا جلوس منعقد کیا جائے گا، شہید آیت اللہ خامنہ ای کی تدفین 9 جولائی کو شمال مشرقی ایرانی شہر مشہد میں ہو گی، رہبر انقلاب کو روضہ امام رضا میں سپرد خاک کیا جائے گا

ایرانی میڈیا رپورٹس میں کہا گیا ہے کہ منتظمین کی دنیا بھر کے مسلمانوں اور ایران سے محبت کرنے والوں کو شرکت کی دعوت ہے۔

واضح رہے علی خامنہ ای فروری میں ایران پر ہونے والے اسرائیلی امریکی حملوں میں شہید ہوئے تھے، علی خامنہ ای کی وفات کے ساتھ ایران میں تین دہائیوں پر مشتمل قیادت کا دور اختتام پذیر ہوا۔