برصغیر کےعظیم گلوکار، شہنشاہ غزل استاد مہدی حسن کو مداحوں سے بچھڑے14 برس بیت گئے
مہدی حسن نے اپنی زندگی میں 25 ہزار سے زائد فلمی گیت اور غزل گائیں۔ مہدی حسن کو مشکل راگوں پر بھی کمال گرفت حاصل تھی وہ آوازجو دلوں کو چھو لیتی تھی


ویب ڈیسک: شہنشاہِ غزل مہدی حسن کو ہم سے بچھڑے چودہ برس بیت گئے، تاہم ان کی سحر انگیز آواز اور لازوال فن آج بھی موسیقی کے شائقین کے دلوں میں زندہ ہے۔
مہدی حسن کا تعلق موسیقی کے کلاونت گھرانے سے تھا۔ وہ ہندوستان کی ریاست جے پور کے ایک گاؤں لونا میں 18 جولائی 1927 کو پیدا ہوئے تھے۔مہدی حسن کے والد کا نام عظیم خان تھا اور ان کا تعلق بھی موسیقی کی دنیا سے تھا۔
انہوں نے اپنے فنی سفر کا باقاعدہ آغاز ریڈیو پاکستان سے کیا، جبکہ فلم ’’فرنگی‘‘ کے گیت نے انہیں شہرت کی بلندیوں تک پہنچایا۔مہدی حسن غزل گائیکی کا وہ درخشاں باب تھے جنہوں نے محبت، احساسات اور جذبات کو سروں میں پرو کر ایک نئی پہچان دی۔ان کی گائی ہوئی غزلیں آج بھی کانوں میں رس گھولتی اور سامعین کو مسحور کر دیتی ہیں۔
استاد مہدی حسن کو کلاسیکل موسیقی کے مشکل راگوں پر غیر معمولی عبور حاصل تھا، جس کی بدولت انہیں پاکستان سمیت دنیا بھر میں بے پناہ پذیرائی حاصل ہوئی۔
انہیں یہ اعزاز بھی حاصل تھا کہ کلاسیکل موسیقی اور غزل گائیکی کے رموز سے گہری واقفیت کے ساتھ قدرت نے انہیں ایک منفرد، خوبصورت اور مسحور کن آواز سے نوازا تھا۔
مہدی حسن نے اپنی زندگی میں 25 ہزار سے زائد فلمی گیت اور غزل گائیں۔ مہدی حسن کو مشکل راگوں پر بھی کمال گرفت حاصل تھی وہ آوازجو دلوں کو چھو لیتی تھی وہ شہنشاہ غزل مہدی حسن کی آواز تھی اسی بات پرمایہ ناز بھارتی گلوکارہ لتا منگیشتر نے کہا تھا کہ ان کے گلے میں بھگوان بولتا ہے
انہیں حکومت پاکستان کی جانب سے تمغہ حسن کارکردگی اور ہلال امتیاز سمیت تمام نمایاں قومی سطح کے ایوارڈ سے نوازا گیا۔
گائیکی کے میدان میں بام عروج پر پہنچنے کی طویل جدوجہد کے بعد مہدی حسن فالج، سینے اور سانس کی مختلف بیماریوں کا شکار ہوگئے اور طویل علالت کے بعد 13 جون 2012 کو کراچی میں اپنے خالق حقیقی سے جاملے۔مگر ان کا فن آج بھی موسیقی کے افق پر روشن ہے اور ان کی یاد مداحوں کے دلوں میں ہمیشہ زندہ رہے گی۔

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 days ago
پہلے ایل پی جی اوراب بجلی بم گرا دیا گیا
- 12 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 days ago

پیٹرول اور ڈیزل کی قیمتوں میں کمی کا اعلان
- 13 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 days ago

پولیس افسران کی ترقیوں کے خلاف پنجاب حکومت کی اپیلیں خارج
- 11 days ago





