خیبرپختونخوا صوبائی حکومت کی نا اہلی کے باعث پارا چنار بنیاد ی سہولتوں سے محروم

کرم:صوبائی حکومت کی نا اہلی کے باعث پارا چنار بنیاد ی سہولتوں سے محروم ہے۔ پارا چنارمیں اپر کرم کے اہم علاقے زیڑان کو ملانے والی سڑک کامنصوبہ صوبائی حکومت کی نااہلی کی نذر ہوگیا۔

تفصیلات کے مطابق اپر کرم میں زیڑان سڑک منصوبے کا ٹینڈر منظور ہونے کے باوجود تعمیراتی کام تاحال شروع نہ ہو سکا۔

اس حوالے سے اپرکرم کےمقامی افراد کا صوبائی حکومت کی نااہلی کا ذکر کرتے ہوئے کہنا تھا کہ ​سڑک کی خستہ حالی کے باعث علاقے کی لاکھوں کی آبادی کو آمد و رفت میں مشکلات کا سامنا ہے۔

شہریوں کا مزید کہنا ہے کہ ٹھیکیدار کو ادائیگی نہ ہونے کے باعث تعمیراتی منصوبے پرکام عارضی طورپرروک دیا گیا ہے۔انتظامیہ کی جانب سے ٹھیکیدار کو کام شروع کرنے کےعوض 15 فیصد کمیشن دینے پر مجبور کیا جا رہا ہے۔

شہریوں نے بتایا کہ خستہ حال سڑک نے معمولاتِ زندگی مفلوج کر دیے ہیں، مریضوں کو ہسپتال لے جانا بھی مشکل ہوگیا۔ مقامی شہریوں نےانتظامی غفلت پر تشویش کا اظہار کرتے ہوئے اعلیٰ حکام سے فوری کارروائی کا مطالبہ کیا ہے۔