پاکستان کی نامور اداکارہ لیلیٰ نے ڈائریکشن کے میدان میں قدم رکھ دیا

لاہور: معروف اداکارہ لیلیٰ نے ڈائریکشن کے میدان میں قدم رکھ دیا،، ان کا کہنا ہے کہ بے شمار فلموں میں کام کیا اب ڈائریکشن میں بھی خدمات دینا چاہتی ہوں ،، خوشی ہے کہ نئی فلمیں بن رہی  ہیں  اور انڈسٹری کی رونقیں بحال ہو رہی ہیں۔

تفصیلات کے مطابق اداکارہ لیلیٰ نے لالی وڈ کی نئی فلم مکھو کی شوٹنگ کے دوران ڈائریکشن ٹیم کی معاونت بھی کی،، سیٹ پر انہوں نے اداکاروں کو شوٹنگ کے دوران سین بھی سمجھائے۔

اس موقع پران کا کہنا تھا کہ میں ہدایتکارہ سنگیتا کی شکر گزار ہوں جنہوں نے مجھے یہ موقع فراہم کیا، اس کے علاوہ میں عید پر ریلیز ہونیوالی فلم سائیکو کی پروڈکشن ٹیم کا بھی حصہ تھی۔

اداکارہ میرا نے بھی مجھے موقع فراہم کیا اور بھرپور سپورٹ کیا۔ مزید کہا کہ ڈائریکشن میرا شوق ہے اور میں کوشش کروں کی فلم انڈسٹری کو ڈائریکشن کے ذریعے خدمات فراہم کر سکوں۔

اداکارہ لیلیٰ نے اسی سے زائد فلموں میں اداکاری کے جوہر دکھائے ۔ فلم مکھو میں بھی  وہ اداکاری کے جوہر دکھائیں گی۔