یو اے ای کا رہائشی ویزہ رکھنے والے پاکستانیوں کیلئےبڑا اعلان

غیر ملکی خبر رساں ادارے کے مطابق متحدہ عرب امارات   نے پاکستانیوں کے علاوہ بھارت، نائجیریا، سری لنکا، نیپال اور یوگنڈا میں بھی موجود رہائشی ویزا رکھنے والوں کو آنے کی اجازت دے دی۔

متحدہ عرب امارات ، جو کہ ایک بین الاقوامی سفری مرکز ہے ، نے کئی جنوبی ایشیائی اور افریقی ممالک کے مسافروں پر کئی مہینوں کے لیے کورونا وائرس کی وبا کی وجہ سے پابندی عائد کر دی تھی۔

مزید پڑھیں : کابل : لشکر گاہ میں لڑائی ، سڑکیں لاشوں سے بھر گئیں

این سی ای ایم اے نے ٹوئٹر پر کہا ہے کہ جن ممالک سے پروازیں معطل کی گئی تھیں وہاں سے سفر کرنے والے مسافر جمعرات سے ایئر پورٹ  کے ذریعے ٹرانزٹ کر سکیں گے لیکن ان کو  وہ روانگی سے 72 گھنٹے قبل منفی پی سی آر ٹیسٹ  کی رپورٹ دکھانی ہوگی۔

خیال رہے کہ متحدہ عرب امارات نے 15 جولائی کو تمام پاکستانی مسافروں کو پابند کیا تھا کہ وہ اپنے کوویڈ 19 ویکسینیشن سرٹیفکیٹ کو دفتر خارجہ اور متحدہ عرب امارات کے سفارت خانہ سے تصدیق کروا لیں ، شرط کی خبر عام ہونے کے چند گھنٹے بعد ، دفتر خارجہ کی جانب سے متحدہ عرب امارات کے حکام کے ساتھ معاملہ اٹھانے کے بعد یہ حکم واپس لے لیا گیا تھا۔