اشنا شاہ بھی کوروناوائرس کا شکارہوگئیں

تفصیلات کے مطابق اداکارہ کو کچھ دنوں سے  بخار تھا جس کی وجہ سے حالت خراب ہونے پر انہوں نے اپنا کووڈ کا ٹیسٹ کروایاجو کہ مثبت آیاہے ۔

اداکارہ کا کہنا ہے کہ میں کورونا ویکسین کی دونوں  خوراکیں لگوانے کے بعد بھی میرا کووڈ کا ٹیسٹ مثبت آیا ہے، میں مضبوط مدافعتی نظام کے ساتھ ایک صحت مند انسان ہوں لیکن پھر بھی اس وائرس نے مجھ پر حملہ کردیا جس کی علامات کافی ناخوش گوار ہیں۔

اشنا شاہ نے کہا کہ یہ سوچ کر کانپ جاتی ہوں کہ اگر مجھے ویکسین نہ دی جاتی تو میرا کیا حال ہوتا۔

اداکارہ نے تمام صارفین کو ماسک پہننے، ویکسین لگوانے اور تمام احتیاطی تدابیر اپنانے کا مشورہ دیتے ہوئے کہا کہ یہ وائرس مذاق نہیں ہے اور اس کی نئی قسم ڈیلٹا ویرینٹ کو بالکل ہلکا نہ لیں۔

یاد رہے کہ  کئی اداکار کورونا وائرس کی چوتھی لہر کا شکار ہوچکے ہیں فیصل قریشی ،عدنان صدیقی، سنبل اقبال اور سینئر اداکار مصطفیٰ قریشی کوروناوائرس میں مبتلا ہوچکے ہیں ۔