عاصم سلیم باجوہ چیئرمین سی پیک اتھارٹی کے عہدے سے مستعفی

تفصیلات کے مطابق پاکستان چین اقتصادی راہداری (سی پیک) اتھارٹی کے چیئرمین لیفٹننٹ جنرل (ر) عاصم سلیم باجوہ اپنے عہدے سے مستعفی ہوگئے۔

عاصم سلیم باجوہ نے سماجی رابطوں کی ویب سائٹ ٹویٹر  پر اپنے پیغام میں بتایا ہے کہ  وہ چیئر مین سی پیک اتھارٹی کے عہدے سے مستعفی ہو رہے ہیں ۔

انہوں نے کہا کہ اللہ کا شکرگزار ہوں جس نے سی پیک جیسے اہم ادارے کو چلانے کا موقع دیا،  وزیراعظم کے اعتماد اور تعاون کے بغیر ایسا کرنا ممکن نہ ہوتا۔

ان کا کہنا تھاکہ سی پیک پر مستقبل کیلئے پیشرفت کا راستہ متعین ہے اور سی پیک ہمیں ایک مکمل ترقی پسند اور ترقی یافتہ ملک بنائے گا۔

انہوں نے مزید کہا کہ میں خالد منصور کو خوش آمدید کہتا ہوں ، اللہ سب کا حامی  وناصر ہو ، سی پیک منصوبوں پر عملدرآمد کی راہ متعین ہوچکی ہے ۔

دوسری جانب وزیراعظم عمران خان نے خالد منصور کو معاون خصوصی برائے سی پیک امور مقرر کیا ہے جس کا نوٹیفکیشن بھی جاری کردیا گیا ہے۔

The course is set for future progression of CPEC, this journey will go on. My best wishes to Kahlid Mansoor sb, who is fully equipped to take it forward. CPEC is life line for Pakistan, it will transform us into a progressive and fully developed country InshaAllah-2/2

— Asim Saleem Bajwa (@AsimSBajwa) August 3, 2021