بھارت کے افریقہ میں فوجی اڈے بنانے کے شواہد ، غیر ملکی اخبار کا انکشاف

غیر ملکی خبر رساں ادارے(الجزیرہ) کے مطابق   موریشس میں بھارتی فوجی اڈے کی تعمیر کی میڈیا رپورٹس پہلی بار 2018 میں شائع ہوئیں، تاہم   موریشس اور بھارت دونوں نے فوجی اڈے کی تعمیر کی رپورٹوں کو مسترد کیا تھا۔

الجزیرہ نے سیٹلائٹ تصویروں اور شپنگ ڈیٹا کی مدد سے فوجی اڈے کی تعمیر کے شواہد اکٹھے کر لیے ہیں، سیٹالائٹ تصویروں میں دو بڑی جیٹی اور تین کلومیٹر طویل رن وے کی تعمیر کی سرگرمیاں نظر آئیں۔اگالیگا میں اس وقت صرف 800 میٹر لیڈنگ سٹرپ موجود ہے جس پر چھوٹے طیارے اتر سکتے ہیں،نئے بننے والے رن وے پر دنیا کے سب سے بڑے طیارے اترنے کی سہولت ہوگی۔

الجزیرہ ٹی وی کے مطابق   پچھلے دو برسوں سے ہزاروں بھارتی کنسٹرکشن ورکر اگالیگا جزیرے پر مقیم ہیں۔ماہرین کا کہنا ہے کہ  300 نفوس پر مشتمل آبادی والے اس جزیرے پر اس قدر بڑے ایئرپورٹ اور جیٹی کی ضرورت نہیں  ہے۔