پاکستان آنے والوں مسافروں کیلئے نئی ٹریول ایڈوائزری جاری

تفصیلات کے مطابق  نئی ٹریول ایڈوائزی کا اطلاق 9اگست سے ہوگا،  اسلام آباد کراچی،  لاہور سمیت بین الاقوامی ہوائی اڈوں کے منیجرز کو عملدرآمد کے احکامات جاری کردیے گئے ہیں۔6سال اور زائد عمر کے تمام مسافروں کے لیے پی سی آر ٹیسٹ کی نیگیٹیو رپورٹ لازمی قرار دیدی گئی ہے۔

ہدایت نامہ میں کہا گیا ہے کہ  پی سی آر ٹیسٹ کی رپورٹ 72گھنٹوں سے پہلے کی نہ ہو، پاکستان آنے والے 6سال اور زائد عمر کے تمام مسافروں کا ملکی ایئرپورٹ پر ریپڈ انٹیجن ٹیسٹ کیا جائے گا۔

سی اے اے کا کہنا ہے کہ  6سال سے 12سال تک کے کورونا مریضوں کو گھروں میں قرنطینہ کیا جائے گا،  12 سال سے زائد عمر کے مسافروں کو مختص قرنطینہ مراکز میں رکھا جائے گا ۔پاکستان پہنچنے والے مسافروں پر صورتحال کے مطابق اضافی شرائط بھی لاگو ہوسکتیں ہیں۔