کامیڈین اداکار اللہ رکھا پیپسی سپرد خاک

لاہور: معروف کامیڈین اداکار اللہ رکھا پیپسی کو لاہور کے علاقے موہنی روڈ کے قبرستان میں سپرد خاک کر دیا گیا۔

نماز جنازہ ان کی رہائش گاہ کے قریب ادا کی گئی۔ جس میں سینئر اداکار سہیل احمد، اداکار و میزبان نور الحسن، اداکار محسن عباس حیدر، شیری ننھا ، شاہ رخ، اظہر رنگیلا، ببو رانا، حسن مراد، شاہد خان، طاہر سرور میر اور دیگر شریک ہوئے۔ 

نماز جنازہ سینئر اداکار جواد وسیم نے پڑھائی اس موقع پر شوبز شخصیات نے کہا کہ اللہ رکھا پیپسی سخت محنت کے ذریعے اپنا مقام بنایا جہاں انہوں نے اسٹینڈ اپ کامیڈی میں مہارت حاصل کی وہیں متعدد تھیٹر ڈراموں میں بھی اداکاری کے جوہر دکھائے۔ 

اللہ رکھا پیپسی کی عمر پچاس سال تھی اور ان کی موت نجی چینل میں ریکارڈنگ کے دوران حرکت قلب بند ہونے کے باعث ہوئی