اداکارہ کاجول کا اداکار اجے دیوگن سے شادی کے حوالے سے بڑا انکشاف

تفصیلات کے مطابق بھارتی میڈیا کے ساتھ گفتگو کرتے ہوئے اداکارہ کاجول  نے کہا ہے کہ اداکار اجے سے پہلی ملاقات 1995 میں فلم 'ہلچل' کے سیٹ پر ہوئی تھی۔

اداکارہ کا کہنا تھا کہ میں اپنے شوٹ کیلئے تیار تھی، میں نے پوچھا میرا ہیرو کہاں ہے کسی نے اجے کی طرف اشارہ کیا جو ایک کونے میں بیٹھا ہوا تھا، میں نے اسے دیکھتے ہی برا بھلا کہنا شروع کردیا ۔

کاجول نے کہا کہ آہستہ آہستہ ہماری دوستی کا آغاز ہوگیا، ہم سیٹ پر بات چیت کیا کرتے تھے، اس وقت میں کسی کو ڈیٹ کررہی تھی اور اپنے بوائے فرینڈ کی شکایات اجے سے کیا کرتی تھی ۔

اداکارہ نے کہا ہے کہ بعد ازاں ہم دونوں کو ایک دوسرے کے ساتھ وقت گزارنا اچھا لگنے لگا، ہم میں سے کسی نے باقاعدہ ایک دوسرے کو پروپوز نہیں کیا تھا کیونکہ یہ کافی لازمی بات تھی کہ ہم نے شادی کرنی ہے۔

یاد رہے کہ اداکار اجے اور کاجول کی شادی 24 فروری 1999 کو ہوئی تھی۔