اولمپک گیمز: چین کی 33 طلائی تمغوں کے ساتھ پہلی پوزیشن مزید مستحکم

تفصیلات کے مطابق  ٹوکیو اولمپکس کے سنسنی خیز مقابلے فیصلہ کن مرحلے میں داخل ہوگئے ہیں،تمام گیمز میں اتھلیٹس نے ایک دوسرے کو پچھاڑنے کے لیے مہارت کا مظاہرہ کیا۔

ہاکی کے برانز میڈل میچ میں  بھارت نے جرمنی کو سخت مقابلے کے بعد پانچ چار سے ہرادیا، مردوں کی 110 میٹر ہرڈلز ریس میں جمیکا کے اتھلیٹ نے میدان مارلیا، 4 ضرب 100 میٹر ریلے ریس میں چین کے کھلاڑیوں نے سب کو پیچھے چھوڑ دیا۔

میڈل ٹیبل پر چین کے سب سے زیادہ 33 طلائی تمغے ہیں،امریکا 29 طلائی تمغوں کے ساتھ دوسرے جبکہ میزبان جاپان 21 گولڈ میڈل کے ساتھ تیسری پوزیشن پر ہے۔