شہبازشریف کا سابق وزیر اعظم نواز شریف کے حوالے سے نیا بیان سامنے آگیا

صدرمسلم لیگ (ن) میاں شہبازشریف نےکہاہےکہ نفرت پر مبنی حکومتی بیانات پاکستان کے وقار کے منافی ہیں سیاسی پگڑیاں اچھالنے والے پاکستان کی پگڑی نہ اچھالیں تو مہربانی ہوگی۔ سیاسی فائدے کے لئے حقائق کے برعکس بیانات باعث افسوس ہیں، تین بار وزیراعظم رہنے والے نوازشریف کی زندگی پر سیاست بے حسی اور غیرانسانی رویہ ہے۔

مزید پڑھیں : فردوس عاشق اعوان نے استعفی دے دیا

ان کا کہنا تھا کہ محض سیاست کے لئے ایک فرد کوبدنام کرنے کا حکومتی رویہ پاکستان کی بدنامی کا باعث بن رہا ہے، ہوش کے ناخن لیں۔ قانونی تقاضوں کو مدنظر رکھتے ہوئے اپیل دائر کر دی گئی ہے، اپیل پر فیصلہ ہونے تک میاں نوازشریف قانونی طور پر لندن میں قیام کر سکتے ہیں۔

واضح رہے کہ سابق وزیر اعظم نواز شریف نے برطانوی حکومت کو اپنے ویزہ کی مدت میں توسیع کی درخواست دی تھی تاہم برطانوی وزارت داخلہ نے ان کی درخواست مسترد کردی۔ برطانوی وزارت داخلہ کا کہنا تھا کہ نوازشریف فیصلے کے خلاف امیگریشن ٹربیونل میں اپیل کرسکتے ہیں۔