پنجاب حکومت کا ہیلتھ ورکرز کو کورونا ویکسین کی بوسٹر ڈوز لگانے کا فیصلہ

ترجمان محکمہ پرائمری اینڈ سیکینڈری ہیلتھ کیئر کے مطابق   جن ہیلتھ ورکرز نے پہلے ویکسین لگوائی انکو بھی بوسٹر ڈوز لگائی جائے گی، بوسٹر ڈوز اسی ویکسین کی لگائی جائے گی جو ویکسین پہلے لگائی گئی۔

مزید پڑھیں : فردوس عاشق اعوان نے استعفی دے دیا

ترجمان کا کہنا ہے کہ  بوسٹر ڈوز لگانے کا فیصلہ ویکسین کروانے والے ہیلتھ کیئر ورکرز میں دوبارہ وائرس کی تشخیص ہونے کے بعد کیا گیا ہے،  ایک سو چالیس ہیلتھ کیئر ورکرز کے سیمپلز اکٹھے کیے گئے جن میں سے چودہ  پازیٹو آئے ہیں۔ویکسین لگوانے کے بعد ہیلتھ کیئر ورکرز کو کورونا ہو سکتا ہے، ابھی اس پر کوئی مصدقہ تحقیق نہیں کہ ویکسین کس کس سٹرین سے حفاظت کرے گی۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید67فراد چل بسے ۔ ملک میں  اموات کی مجموعی تعداد23 ہزار702ہوگئی ہے،جبکہ  متاثرہ افراد کی مجموعی تعداد 10لاکھ58ہزار405ہوگئی ہے ۔