Advertisement
علاقائی

نامز د صوبائی وزیر کے بیٹے کی شادی کی تقریب میں فائرنگ ، بھائی جاں بحق

لاہور: پولیس کا کہنا ہے کہ فائرنگ سے اسد کھوکھر کا بھائی مبشر کھوکھرجاں بحق ہوگئے ۔

GNN Web Desk
شائع شدہ 5 سال قبل پر اگست 7 2021، 12:41 شام
ویب ڈیسک کے ذریعے
نامز د صوبائی وزیر کے بیٹے کی شادی  کی تقریب میں فائرنگ  ، بھائی جاں بحق

تفصیلات کے مطابق  لاہور میں پنجاب کے نامزد  وزیر اسد کھوکھر کےبیٹے کے ولیمے کی تقریب میں فائرنگ ہوئی ہے،  فائرنگ سے اسد کھوکھر کا بھائی مبشر کھوکھر جاں بحق ہو گیا۔  دعوت ولیمہ میں کئی اہم شخصیات موجود تھیں۔

پولیس کا کہنا ہے کہ   واقعہ وزیر اعلی پنجاب کے نکلتے ہی پیش آیا،  فائرنگ کا واقعہ ڈیفنس سی میں پیش آیا ہے۔پولیس نے فائرنگ کرنے والے ملزم کوگرفتار کرلیا ، ملزم کا نام ناظم ہے اور مانا والا کا رہائشی ہے ،  ملزم کی فائرنگ سے مبشر اور ایک نامعلوم زخمی ہوا ۔

سماجی رابطے کی ویب سائٹ ٹوئٹر پر ایک ٹویٹ میں شہبا ز گل نے کہا کہ ابھی وزیراعلی پنجاب سے بات ہوئی ہے۔  وہ خیریت سے ہیں۔ اور اپنی رہائش گاہ پر موجود ہیں۔ حملہ آوروں نے ان کی گاڑی کے بلکل قریب آ کر فائرنگ کی۔ وزیراعلی کی سیکورٹی نے حملہ آور کو قابو میں لے کر گرفتار کیا۔  بدقسمتی سے اسد کھوکھرصاحب کے بھائی اس حملے کے نتیجے میں جاں بحق ہو گئے ہیں۔

Advertisement
رجحانات
Advertisement