سکھر میں اے این ایف کی کارروائی،کروڑوں روپے مالیت کی منشیات برآمد،2ملزمان گرفتار

تفصیلات کے مطابق سکھر میں خفیہ اطلاعات پر اینٹی نارکوٹکس فورس (اے این ایف) نے کارروائی کی اور شکارپور روڈ پر مشکوک ٹرک کو روک کر تلاشی لی گئی جس کے دوران ٹرک میں چھپائی گئی کروڑوں روپے مالیت کی چرس اور افیون برآمد کر لی گئی جبکہ دو ملزمان کو بھی گرفتار  کر لیا گیا۔

اے این ایف حکام نے مزید کہا کہ تلاشی کے دوران 323 کلو گرام چرس اور 6 کلو افیون برآمد ہوئی اور گرفتار ملزمان کا تعلق منشیات کی بین الصوبائی اسمگلنگ کرنے والے گروہ سے ہے۔