کھوکھر پیلس گرانے سے متعلق بڑا ریلیف

تفصیلات کے مطابق  ایڈیشنل سیشن جج حیدر علی خان نے اکمل خان کی درخواست پر سماعت کی،سیشن کورٹ نے کھوکھر پیلس کی متعلقہ زمین پر عمارت کو گرانے سے روک دیا ، عدالت نے ایل ڈی اے اور ضلعی انتظامیہ کی اپیلوں کو مسترد کردیا۔عدالت نے ایل ڈی اے اور ضلعی انتظامیہ کو سول کورٹ رجوع کرنے کا حکم دے دیا ۔

ضلعی انتظامیہ کا  موقف تھا کہ   چار کنال اراضی فوری خالی کروانی ہے ۔ عدالت فوری چار کنال اراضی پر قائم حکم امتناعی کالعدم قرار دینے کا حکم دے۔

گزشتہ ماہ  ضلعی انتظامیہ   نے لاہور میں کھوکھر پیلس کے ارد گرد آپریشن کرکے  38کنال زمین واگزار کرالی تھی۔ ضلعی انتظامیہ کا دعویٰ تھا کہ اس زمین پرغیرقانونی قبضہ کیا گیا تھا۔دوسری جانب کھوکھر فیملی کا مؤقف تھا کہ حکم امتناع کے باوجود وزیراعظم کو خوش کرنے کیلئے آپریشن کیا گیا اور سیاسی انتقام کا نشانہ بنایا گیا ہے۔