ٹوکیو : ٹرین میں چاقو سے حملہ ، 10افراد زخمی

جاپانی میڈیا کے مطابق یہ  افسوس ناک واقعہ شہر کے مغربی حصے میں پیش آیا،چاقو حملے میں زخمی ہونے والے افراد کی حالت خطرے سے باہر ہے ۔پولیس نے چاقو سے حملہ کرنے  والے 36سالہ ملزم کو گرفتار کر لیا ہے ۔مبینہ  ملزم نے پولیس کو بتایا کہ وہ ٹرین میں  عورتوں کوخوش  دیکھ کر غصے میں آگیا اور انہیں مارنا چاہتا تھا۔گزشتہ روز سیجوگاکوین اسٹیشن کے قریب ٹرین  میں ملزم نے  مسافروں پر حملہ کیا جس کے بعد ڈرائیور نے ٹرین کو ہنگامی طور پر روک دیا۔

خیال رہے کہ  جاپان دنیا کے محفوظ ترین ممالک میں سے ایک ہے اور شہر میں پرتشدد جرائم  کے واقعات بہت کم  ہیں۔مزید براں جاپا ن کے  دارالحکومت ٹوکیو میں   اس وقت اولمپکس جاری ہیں  جس کی وجہ سے سیکیورٹی کے سخت انتظامات کیے گئے ہیں ۔

2019 میں  ایک شخص نے اسکول کے بچوں کے ایک گروپ پر حملہ کیا جو کاواساکی میں بس کا انتظار کر رہے تھے۔اس واقعے میں  دو افراد ہلاک جبکہ 18 شدید زخمی ہوئے تھے ۔