پی ڈی ایم نے الیکٹورل ریفارمز اور آزاد کشمیر انتخابات کو مسترد کردیا

پاکستان  ڈیمو کریٹک موومنٹ (پی ڈی ایم ) کے سربراہ مولانا فضل الرحمان  نے میڈیا سے گفتگو کرتے ہوئے کہا کہ پی ڈی ایم اجلاس میں پارٹی سربراہان  نے شرکت کی ،اجلاس میں  مہنگائی کی شدید الفاظ میں مذمت کی گئی ، ملک اس وقت سنگین حالات سے گزر رہا ہے،اجلاس میں داخلی و خارجہ امور کا تفصیلی جائزہ لیاگیا،پی ڈی ایم افغان مسئلہ کا حل فریقین کے مذاکرات میں سمجھتی ہے، پاکستان کو اس وقت بدترین تنہائی کا سامنا ہے۔

 فضل الرحمان نے کہا کہ 21اگست کو اسلام آباد میں اسٹیئرنگ کمیٹی کا اجلاس ہوگا۔ پی ڈی ایم29اگست کو کراچی میں جلسہ کرے گی، پی ڈی ایم کاآئندہ سربراہی اجلاس28اگست کو کراچی میں ہوگا۔ آفتاب شیر پاؤ کو پی ڈی ایم کا سینئر نائب صدر منتخب کیا گیا ہے۔

سربراہ پی ڈی ایم   نے کہا کہ  پی ڈی ایم آزاد کشمیر کے انتخابات کو مسترد کرتی ہے،  ای وی ایم مشین دھاندلی کا سب سے آسان طریقہ ہے،تمام ادارے  آئین  میں رہتے ہوئے ذمہ داریاں نبھائیں ۔

اپوزیشن لیڈر شہباز شریف نے کہا کہ حکومت نوازشریف کی بیماری پر سیاست کررہی ہے،لندن میں نوازشریف کا علاج جاری ہے، نوازشریف  علاج کرائے بغیر واپس نہیں آئیں گے،3بار کے وزیراعظم کی صحت پر سیاست  کرنا گری ہوئی حرکت ہے۔