ہیلی کاپٹر گر کر تباہ ، روسی ذرائع

ریسکیو اور مقامی حکام کے مطابق ہیلی کاپٹر روس کے مشرق میں آتش فشاں کے سیاحتی سفر پر جاتے ہوئے ایک جھیل سے ٹکرا گیا ۔

جہاز میں 13 سیاح اور تین عملے کے ارکان سوار تھے ، جس میں  8  کی تلاش کے لیے ریسکیوآپریشن جاری ہے ۔ تاہم انتظامیہ نے ان افراد کے ہلاک ہونے کا خدشہ ظاہر کیا ہے ۔

ایم ائی 8 ہیلی کاپٹر کے ریسکیو مشن میں غوطہ خوروں سمیت چالیس ٹیمیں کام کررہی ہیں۔ روسی ٹی اے ایس ایس ادارے کے مطابق ہیلی کاپٹر حادثے کے بعد ڈوب گیا اور کریل جھیل میں 100 میٹر 330 فٹ کی گہرائی میں پڑا تھا ۔ جبکہ روس میں فضائی حادثات کی تحقیقاتی ٹیم نے تباہ ہوئے ہیلی کاپٹر کی تحقیقات کا آغاز کردیا ہے ۔

روس میں کامچٹکا کم آبادی والا بہت بڑا علاقہ ہے جو سیاحوں میں اس کے ڈرامائی  مناظر کی وجہ سے مقبول ہے ، جولائی کے اوائل میں نجی کمپنی کا طیارہ تباہ ہونے سے 19 افراد ہلاک ہوئے تھے ۔