طالبان نے کابل کے گرد گھیرا تنگ کردیا

بین الااقوامی خبررساں ادارے کے مطابق جنگجو دارالحکومت سے صرف پچاس کلومیٹر دوری پر ہیں ۔ جبکہ امریکہ اور اتحادیوں کے ہنگامی انخلا کے لیے امریکی میریننز کابل پہنچ گئے ہیں ۔

رپورٹ کے مطابق طالبان جنگجو کابل سے پچاس کلومیٹر پر کھڑے ہیں ، وہ کسی بھی وقت دارالحکومت پر حملہ کرسکتے ہیں ، حکومتی فورسز کی جانب سے بہت معمولی یا کسی مذاہمت کے بغیر افغانستان کے دوسرے اور تیسرے سب سے بڑے شہروں پر طالبان کا قبضہ ہوچکا ہے ۔ سقوط کابل بھی قریب ہی معلوم ہو رہا ہے ۔

واضح رہے کہ امریکا نے اپنے سفارت کاروں اور دیگر شہریوں کے محفوظ انخلاء کے لیے 3000 امریکی فوج کابل ہوائی اڈے پر تعینات کرنا شروع کردی ہیں۔ دوسری طرف واشنگٹن نے امریکی سفارت خانے کو تمام اہم اور حساس دستاویزات کو تلف کر دینے کا حکم دیا ہے۔