پاکستان کا ویسٹ انڈیز کو جیت کیلئے168 رنز کا ہدف

تفصیلات کے مطابق پہلے ٹیسٹ کے چوتھے روز پاکستان کی جانب سے بابر اعظم اور فہیم اشرف نے 5 وکٹوں کے نقصان پر 160 رنز  سے اننگز کا دوبارہ آغاز کیا تومجموعی اسکور میں 8 رنز کے اضافے کے بعد فہیم اشرف آؤٹ ہوگئے۔

قومی ٹیم دوسری اننگز میں 203 رنز پر ڈھیر ہوگئی اور یوں پاکستان نے ویسٹ انڈیز کو جیت کیلئے 168 رنز کا ہدف دے دیا۔

کپتان بابراعظم 55 رنز،عابد علی 34 اور محمد رضوان 30 رنز بناکر نمایاں رہے،جبکہ ویسٹ انڈیز کی جانب سے جیڈن سیلز نے 5 وکٹیں حاصل کیں۔

یاد رہے کہ پاکستانی ٹیم پہلی اننگز میں 217 رنز پر ڈھیر ہوگئی تھی جبکہ ویسٹ انڈیز نے 253 رنز بنائے تھے اور اسے 36 رنز کی سبقت حاصل ہے۔