چوہدری برادران سے جرمن سفیر کی ملاقات

تفصیلات کے مطابق ملاقات میں باہمی دلچسپی کےامور، موجودہ ملکی سیاسی صورتحال پر گفتگو جبکہ بین الاقوامی سیاست خصوصاً افغانستان میں تیزی سے بدلتی صورتحال پربھی تبادلہ خیال کیا گیا ہے ۔

چودھری شجاعت حسین  کا کہنا ہے کہ پاکستان پرامن افغانستان کے حق میں ہے، افغانستان میں امن ہو گا تو پاکستان سمیت خطے میں امن ہو گا.

پاکستان جرمنی کیساتھ دوستانہ اور تجارتی تعلقات کواہمیت دیتا ہے،جرمن سفیر کی سفارتی کوششیں دونوں ممالک کو پہلے سے زیادہ قریب لائیں گی،جبکہ جرمنی اور پاکستان کے تعلقات شروع سے ہی دوستانہ رہے ہیں۔

انہوں نے کہا کہ ہم اقوام متحدہ کی قراردادوں کے مطابق تنازعہ کشمیر کا پرامن حل چاہتے ہیں،مقبوضہ کشمیر میں بھارت کی جانب سے انسانی حقوق کی خلاف ورزیاں  کی جارہی ہیں،امید ہے جرمنی مسئلہ کشمیر کے حل سمیت خطے میں امن کی بحالی کیلئے اپنا کردار ادا کرے گا۔

چودھری پرویزالٰہی کا کہنا ہے کہ پاکستانی حکومت دیگر ممالک کو سرمایہ کاری کے بہترین مواقع فراہم کر رہی ہے،لوگوں کو معیاری تعلیمی و طبی سہولیات کی فراہمی  کیلئے مختلف اقدامات کیے جا رہے ہیں، یورپی یونین میں جرمنی سب سے بڑی معیشت کا درجہ رکھتا ہے

جرمن سفیر برن ہارڈ سٹیفن کا کہنا ہے کہ جرمنی پاکستان کے ساتھ تجارتی و سفارتی تعلقات کو بڑھانے میں دلچسپی رکھتا ہے،پاکستان خطے کا بڑااہم اور ذمہ دار ملک ہے، خطہ میں قیام امن کیلئے پاکستان کی کوششیں قابل قدر ہیں۔