وزیر خزانہ کی زیر صدارت اشیائے ضروریہ کی قیمتوں سے متعلق اجلاس

تفصیلات کے مطابق جمشید اقبال چیمہ کا کہناہے کہ اشیائے ضروریہ کی  ذخیرہ اندوزی کی روک تھام کیلئے اقدامات اٹھائے جائیں گے۔

انہوں نے اجلاس کو بریفنگ دیتے ہوئے کہا کہ گندم ، چینی ، دالیں ، خوردنی تیل،گھی ، ٹماٹر ، پیاز ، لہسن اور مرغی کےاسٹریٹجک ذخائریقینی بنائےجائیں گےاور روز مرہ استعمال کی اشیاء کی قیمتوں کو مستحکم کرنا ہے ۔

وزیر خزانہ  نے کہا کہ گندم اور چینی کی درآمد میں تیزی لائیں اوریقینی بنایا جائے رواں مالی سال کے دوران ہموار سپلائی  کیلئےکافی ذخیرہ دستیاب ہوں۔

وزیر خزانہ نے متعلقہ وزارتوں اور ٹی سی پی پر بھی زور دیا کہ وہ مناسب تندہی سے کام لیں، بین الاقوامی مارکیٹ میں ٹینڈر چلاتے ہوئے رسک ہیجنگ کے لیے مناسب اقدامات کریں، فارم اور ریٹیل کی قیمتوں میں فرق کو کم کرنے کے لیے اصلاحی اقدامات کریں۔

وزیر خزانہ نے پوری فوڈ ویلیو چین کا جائزہ لینے اور اس بات کو یقینی بنانے کی ضرورت پر زور دیا اور کہا کہ کسانوں کو ان کی پیداوار کی مارکیٹ ویلیو کا یکساں حصہ ملے ۔