بھارت کے تاریخی شہر کا نام تبدیل کرنے کی تیاری

بھارت میں انتہا پسند اب علی گڑھ کے پیچھے پڑ گئے ہیں اور اتر پردیش کی حکومت نے علی کا نام بدل کر ہری گڑھ رکھنے کی تجویز دے دی ہے ۔

بھارتی میڈیا کے مطابق بھارتی ریاست اترپردیش کے شہرعلی گڑھ کا نام تبدیل کرنے کی ضلعی پنجایت نے منظوری بھی دیدی ہے ۔

علی گڑھ ضلعی پنجایت کے سربراہ وجے سنگھ کے مطابق ہم نے میٹنگ کچھ تجاویز منظور کی ہیں ، جن میں علی گڑھ کا نام ہری گڑھ رکھنے کا کہا گیا ہے ۔

واضع رہے کہ نومبر 2019 میں اتر پردیش کے وزیراعلیٰ یوگی ادتیہ ناتھ نے حکومت کی جانب سے ممکنہ طور پر ریاست بھر میں جگہوں کے نام تبدیل کرنے کا اشارہ دیا تھا ۔