شوٹنگ کے دوران زخمی ہونیوالے ابھیشیک بچن کی سرجری کامیاب

تفصیلات کے مطابق بالی وڈ اداکار ابھیشیک بچن جو شوٹنگ کے دوران زخمی ہونے کے بعد ہسپتال میں داخل تھے، انہوں نے بتایا ہے کہ ان کا ہاتھ شدید زخمی ہونے کے باعث سرجری ہوئی ہے۔ اس حوالے سے  بالی وڈ اداکار ابھیشیک بچن نے فوٹو اینڈ ویڈیو شیئرنگ ایپ انسٹاگرام پر اپنی نئی تصویر شیئر کی ہے جس میں وہ چہرے پر ماسک پہنے بیٹھے ہیں جبکہ اُن کے ہاتھ پر پٹّی بندھی ہوئی ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Abhishek Bachchan (@bachchan)

انہوں نے اپنی پوسٹ میں بتایا کہ ' گزشتہ ہفتے میری نئی فلم کے سیٹ پر چنائی میں ایک حادثہ پیش آیا جس کے نتیجے میں میرا دایاں ہاتھ فریکچر ہوگیا ۔ ہاتھ کو ٹھیک کرنے کے لیے سرجری کی ضرورت پڑی چنانچہ فوری ممبئی واپس آنا پڑا۔انہوں نے کہا کہ اب وہ اپنی فلم کی شوٹنگ کے لیے واپس چنئی جارہے ہیں جہاں وہ اپنا ادھورا کام مکمل کریں گے۔

ابھیشیک بچن نے مزید کہا کہ جیسا کہ میرے والد کہتے ہیں کہ مرد کو درد نہیں ہوتا ہے تو   ایسا نہیں ، اس سے تھوڑی تکلیف ہوتی ہے۔ اداکار نے حادثے کے بعد مداحوں کی جانب سے موصول ہونے والے پیغامات اور نیک تمناؤں پر بھی ان کا شکریہ ادا کیا۔

واضح رہے کہ ابھیشیک بچن ان دنوں اپنی نئی آنے والی تامل فلم کے ریمیک کی شوٹنگ میں مصروف ہیں،اس فلم کے پروڈیوسر بھی ابھیشیک خود  ہیں۔