حکومت کا پیٹرول کی قیمت میں ایک روپے 50 پیسے کمی کا اعلان

وزارت خزانہ کی جانب سے جاری نوٹیفکیشن کے مطابق   ہائی اسپیڈ ڈیزل میں  ایک  روپے 50 پیسے کی کمی کی گئی ہے، لائٹ اسپیڈ ڈیزل کی قیمت میں  ایک  روپے کی کمی کی گئی ہے۔ جبکہ مٹی کے تیل کی قیمت میں بھی  1روپیہ  50 پیسےکی کمی کی گئی ہے۔

نوٹیفکیشن کے مطابق  پیٹرول کی قیمت 118 روپے 30 پیسے فی لیٹر مقرر کی گئی ہے  ،مٹی کے تیل کی قیمت 86 روپے 80 پیسے فی لیٹر مقرر کی گئی ہے ۔

حکومت نے آئندہ 15 روز کے لیے پٹرولیم مصنوعات کی قیمتوں میں کمی کی ہے ۔ نئی قیمتوں کا اطلاق آج رات 12 بجے سے ہوگا۔

گزشتہ روز  پٹرول کی قیمت میں  تین روپے پچاس پیسے فی لٹر کمی کی تجویز کی گئی تھی،ہائی سپیڈ ڈیزل کی قیمت میں پانچ روپے فی لٹر تک کمی کا امکان تھا۔لائٹ ڈیزل کی قیمت دو روپے فی لٹر کم کرنے کی سفارش کی گئی تھی جبکہ مٹی کے تیل کی قیمت میں تین روپے فی لٹر کمی کی تجویز تھی۔