عادی ووٹ چوروں کو اس بارنقب نہیں لگانے دیں گے:خواجہ سعد رفیق

تفصیلات کے مطابق مسلم لیگ ن کے رہنما خواجہ سعد رفیق کا احسن اقبال کے ہمراہ میڈیا سے گفتگو کرتے ہوئے کہنا تھا کہ وزیراعظم خود جاکر کونسلر کے امیدواروں کو بٹھاتے ہیں، کنٹونمنٹ  بوڈ الیکشن میں دھاندلی کیلئے سرکاری مشینری استعمال کی جارہی ہے۔

احسن اقبال کا کہنا تھا کہ کنٹونمنٹ  بورڈ الیکشن میں حکومت سرعام دھاندلی کررہی ہے،ہم نے دھاندلی سے متعلق ثبوت الیکشن کمیشن میں پیش کئے ہیں۔

ان کا کہنا تھا کہ الیکشن تب شفاف ہوسکتے ہیں جب اسٹیک ہولڈرزمتفق ہوں،اپوزیشن کو الیکٹرونک ووٹنگ مشین پر تحفطات ہیں،الیکشن کمیشن سے مطالبہ ہے سیاسی جماعتوں کو اعتماد میں لیں۔

ان کا مزید کہنا تھاکہ پی ٹی آئی نے سب سے بڑی منی لانڈرنگ کی ہے،بیرون ملک سے لائے گئےفنڈز کوذاتی طورپر استعمال کیاگیا۔