ملک میں اگلی حکومت پیپلزپارٹی کی ہوگی:بلاول بھٹو

تفصیلات کے مطابق بلاول بھٹو کا کہنا تھاکہ شروع میں بے نظیر انکم اسپورٹ پروگرام کا مذاق اڑایا گیا،میاں صاحب اور خان صاحب بے نظیر انکم سپورٹ پروگرام کی مخالفت کرتے تھے دونوں مذاق اڑاتے تھے کہ عورتوں کو بھیک مانگنے پر لگایا جارہا ہے .

ان کا کہنا تھا کہ پیپلزپارٹی کی ترجیح غربت کیخلاف جدوجہد ہے، دنیا تسلیم کرتی ہےبے نظیر انکم اسپورٹ پروگرام غربت ختم کرنے کا سب سے بڑا پروگرام ہے۔

انہوں نے کہا ہے کہ یہ احساس احساس کہتے ہیں ان کو تو احساس ہے ہی نہیں،عوام کس تکلیف میں ہیں ان کو احساس ہی نہیں،خان صاحب کی تبدیلی کی وجہ سے عوام مہنگائی کے سونامی میں ڈوب رہے ہیں۔

بلاول بھٹو کا کہنا تھا کہ آپ نے کچھ شروع نہیں کیا،آپ نے پیپلزپارٹی کی نقل اتاری ہے،یہ سب مجبور ہوچکے ہیں بے نظیر کانظریہ مان رہے ہیں،انکم سپورٹ پروگرام کانام جو بھی رکھیں نظریہ بی بی کاہی ہے،کارڈ پر جس کی بھی تصویرلگادیں نظریہ بے نظیر کا ہی رہےگا۔

ان کا مزید کہناتھا کہ کچھ لوگ اسلام کے نام پر عورتوں کے حقوق سلب کرناچاہتے ہیں،عورتوں کو حقوق ہی اسلام میں ملے ہیں۔