ملک کے نامور سیاستدان سردار عطاءاللہ مینگل انتقال کرگئے

تفصیلات  کے مطابق ملک کے نامور سیاستدان اور بلوچ قوم پرست رہنماءسردار عطاءاللہ مینگل انتقال کرگئے ہیں، بلوچستان کے بزرگ سیاستدان سردار عطاءاللہ مینگل کی عمر92 برس تھی،  سردار عطاءاللہ مینگل ایک ہفتے سے کراچی کے نجی اسپتال زیر علاج تھے۔ سردار عطاءاللہ مینگل کی تدفین کل ضلع خضدار کے علاقے وڈھ میں کی جائیگی۔ سردار عطاءاللہ مینگل کی جسدخاکی کل صبح کراچی سے وڈھ کےلئے روانہ کی جائیگی۔

بزرگ سیاستدان 1929میں خضدار کے علاقے وڈھ میں سردار رسول بخش مینگل کے ہاں پیدا ہوئے، مینگل قبیلے کی سرداری سنبھالنے کے بعدنے 1953مین باقائدہ سیاست کا آغاز کیا۔ سردار عطاءاللہ مینگل نے پہلی مرتبہ 1960میں رکن قومی اسمبلی منتخب ہوئے،  بزرگ سیاستدان سردار عطاءاللہ مینگل 1972ءمیں بلوچستان کے پہلے وزیر اعلیٰ منتخب ہوئے۔ 1972میں ذولفقار علی بھٹو کی جانب سے سردار عطاءاللہ مینگل کی حکومت کا خاتمہ کیا گیا۔ حکومت کے خاتمے کے بعد سردارعطاءاللہ مینگل سمیت قوم پرستوں پر غداری کے مقدمات قائم کئے گئے۔

بزرگ سیاستدان سردار عطاءاللہ مینگل نے 18سال تک لندن میں جلا وطنی گزاری، بزرگ سیاستدان نے 1997ءمیں بلوچستان نیشنل پارٹی کی بنیاد رکھی،  سردار مینگل کے خان عبدالغفار خان، جی ایم سید ،نوابزادہ نصر اللہ، نواب اکبر بگٹی اور نواب مری سے قریبی مراسم تھے۔