وزیر اعظم  کا برطانیہ کی جانب  سے پاکستان کو ریڈ لسٹ میں برقرار رکھنے پر تشویش کا اظہار

تفصیلات کے مطابق  وزیر اعظم عمران خان سے برطانوی وزیر خارجہ  کی ملاقات ہوئی ہے،ملاقات میں  افغانستان کی موجودہ صورتحال، دو طرفہ تعلقات، خطے اور عالمی ایشوز پر بات چیت کی گئی۔

وزیر اعظم عمران خان نے کہا کہ  افغانستان میں سکیورٹی کی صورتحال کو مستحکم کرنا ، امن کے قیام، ہجرت کو روکنا انتہائی ضروری ہے۔انسانی بحران کو روکنا اور معیشت کو مستحکم کرنا فوری ضروریات میں شامل ہے، عالمی برادری کو افغان عوام کے ساتھ اظہار یکجہتی کے لیے کھڑے ہونا چاہیے، امن کے قیام، استحکام، سیاسی تصفیہ کرنا چاہیے۔

وزیر اعظم کا کہنا تھا کہ  وزیراعظم نے افغانستان کے اندر اور باہر بگاڑ پیدا کرنے والوں کے کردار بارہ بھی آگاہ کیا، بگاڑ پیدا کرنے والے صورتحال کو غیر مستحکم کر سکتے ہیں۔ وزیراعظم بھارت کی جانب سے مقبوضہ کشمیر میں انسانی حقوق کی خلاف ورزیوں بارے بھی بات چیت کی گئی۔ وزیراعظم نے بھارت کے جانب سے سینئر کشمیری رہنما سید علی گیلانی کی لاش کو چھیننے بارے بھی بات کی۔

وزیراعظم عمران خان  نے دونوں ممالک کے درمیان دیرینہ تعلقات اور عوام سے عوام کے تعلقات بارے بھی بات کی اور  وزیر اعظم نے پاکستان کو ریڈ لسٹ میں برقرار رکھنے پر تشویش کا اظہار کیا ،اس کے علاوہ  موسمیاتی تبدیلی ، جنوبی ایشیا میں امن اور استحکام اور عالمی جغرافیائی سیاسی صورتحال پر بھی تبادلہ خیال کیا گیا۔