ادارہ شماریات نے ہفتہ وار مہنگائی کے اعدادوشمار جاری کردیئے

ادارہ شماریات کی رپورٹ کے مطابق  مہنگائی کی مجموعی شرح 12.53 فیصد تک پہنچ گئی ہے۔ایک ہفتے میں 17 اشیاء ضروریہ کی قیمتوں میں اضافہ ریکارڈ کیا گیا ہے،ایک ہفتے میں زندہ مرغی کی قیمت میں 23 روپے 18 پیسے کا اضافہ ہوا،زندہ مرغی کی فی کلو قیمت 200 روپے تک پہنچ گئی ہے۔

رپورٹ کے مطابق  چینی کی فی کلو قیمت میں 1 روپے 76 پیسے کا اضافہ ہوا، ایک ہفتے میں پیاز فی کلو 3 روپے 18 پیسے مہنگا ہوا،لہسن کی فی کلو قیمت میں 13 روپے 81 پیسے کا اضافہ ہوا،انڈے فی درجن 5 روپے 15 پیسے مہنگے ہوگئے ہیں ۔

ادارہ شماریات کی رپورٹ کے مطابق  ایک ہفتے میں دال مسور کی فی کلو قیمت میں 7 روپے 21 پیسے کا اضافہ ہوا،ایک ہفتے آٹے کا 20 کلو تھیلا 27 روپے 14 پیسے مہنگا ہوا،ایک ہفتے میں گھی، خوردنی تیل، دال ماش، مٹن، بیف، گڑ بھی مہنگے ہوئے ہیں ۔

رپورٹ میں کہا گیا ہے کہ  ایک ہفتے میں 8 اشیاء ضروریہ کی قیمتوں میں کمی ہوئی اور 26 اشیاء کی قیمتیں مستحکم رہیں،ایک ہفتے میں کیلے، دال مونگ، ایل پی جی گھریلو سلنڈر، ٹماٹر، آلو اور پیٹرولیم مصنوعات سستی ہوئیں ہیں ۔