پنجشیر پر مکمل کنٹرول حاصل کرلیا ، طالبان کا دعویٰ

افغان میڈیا کے مطابق ترجمان طالبان ذبیع اللہ مجاہد نے کہا ہے کہ پنجشیر میں جھڑپوں کے دوران کئی باغی جنگجو ہلاک اور کئی فرار ہوگئے ہیں ، جس کے بعد پنجشیر کے عوام باغی کمانڈروں کی شر سے آزاد ہوگئے ۔

انہوں نے کہا کہ پنجشیر پر کنٹرول کے بعد افغانستان جنگ سے پاک ہوگیا ہے اور افغان عوام اب امن کے ساتھ زندگی گزاریں گے ۔

ذبیع اللہ مجاہد نے کہا کہ پنجشیر کے عوام ہمارے بھائی ہیں اور ملک کی ترقی کے لیے کام کریں گے ۔

گزشتہ روز پنجشیر میں قومی مزاحمتی فورس کے سربراہ احمد مسعود نے طالبان سے جگن روکنے کی مشروط پیشکش کی تھی ۔