طالبان کا وادی پنج شیر  پر قبضے کا دعویٰ، احمد مسعود کی افغان شہریوں سے بغاوت کی اپیل

تفصیلات کے مطابق  طالبان کے  وادی پنج شیر  پر قبضے کے  دعویٰ کے بعد مزاحمتی رہنما احمد مسعود نے افغان شہریوں سے بغاوت کی اپیل کردی ہے۔

قومی مزاحمتی محاذ کے سربراہ احمد مسعودنے اپنے فیس بک پیج پر تازہ آڈیو پیغام جاری کیا ہے جس میں انہوں نے کہا کہ  افغانستان کے شہری طالبان کے خلاف ملک گیر قومی بغاوت شروع کریں،  مزاحمتی محاذ کی فوجیں تاحال پنجشیر میں ہیں اور طالبان کے خلاف لڑرہی ہیں۔

احمد مسعود نے پیغام میں کہا ہے کہ   طالبان جنگجووں نےعلما کی درخواست نظرانداز کرتے ہوئے میری فورسز پرحملے کیے، میرے اپنے اہلِ خانہ بھی پنجشیر جنگ میں جاں بحق ہوئے ہیں، طالبان تبدیل نہیں ہوئے اور پہلے سے زیادہ شدت پسند ہیں۔احمد مسعود نے طالبان کو سیاسی اورفوجی اعتماد فراہم کرنے کا ذمہ داربین الاقوامی کمیونٹی کو قراردیا۔