نیب لاہور نے کمپلین سیل کی کارکردگی رپورٹ جاری کردی

تفصیلات کے مطابق ماضی کے 17 سالہ دور میں نیب لاہور کو کل 45314 شکایات موصول ہوئیں ،ان میں سے 44495 شکایات کو ان 17 سالوں کے دوران مکمل کیا گیا۔

گزشتہ 4 سالوں کے دوران نیب لاہور کمپلینٹ سیل کو ملنے والی شکایات میں سالانہ 304 فیصد اضافہ ریکارڈ کیا گیا،فی الوقت نیب لاہور 1690 شکایات پر اپنے آئینی و قانونی اقدامات جاری رکھے ہوئے ہے۔

کمپلینٹ سیل کو 2017 میں کل 5964 شکایات موصول ہوئیں بیک لاگ عبور کرتے ہوئے کل 6373 کو مکمل کیا گیا،اسی طرح 2018 میں کل 10197 شکایات موصول ہوئیں جن میں سے 9305 کو مکمل کیا گیا۔

2019 میں کسی ایک سال کے دوران سب سے زیادہ 14003 شکایات موصول ہوئیں،جن میں سے 10648 کو مکمل کرلیا گیاہے۔

گزشتہ سال 2020 میں  نیب لاہور کو کل 5016 شکایات موصول ہوئیں،بیک لاگ کم کرتے ہوئے کل 9485 شکایات کو پایہ تکمیل تک پہنچا دیا گیا۔

رواں سال 2021 میں کل 7940 متاثرین نے دادرسی کیلئے کمپلینٹ سیل کا رخ کیا ان میں سے 6348 متاثرین کی شکایات پر کارروائی کو مکمل کیا جا چکا ہے۔

گزشتہ 4 سالوں میں 70 فیصد سالانہ اضافہ کیساتھ کل 1062 کمپلینٹ ویری فکیشن کا آغاز کیا گیا،ماضی کے 17 سالہ دور میں کل 2648 شکایات پر تحقیقات کی منظوری دی جا سکی جبکہ 2540 کو پراسیس کیا گیا۔