بھارت کا پاکستان کے خلاف ایک اورجھوٹ بے نقاب

بھارتی میڈیا کا تین سال پرانی امریکی خبر دکھا کر پاکستان کو بدنام کرنے کا ایک اورڈرامہ بے نقاب ہوگیا ہے ، بھارتی میڈیا پاکستان کے خالف منفی پراپوگنڈے سے باز نہیں آیا اور امریکہ میں دوران مشق تباہ ہونے والے طیارے کو پاکستان کا بتا کر ہرزہ سرائی کرنے لگا ۔

بھارتی میڈیا نے 2018 میں امریکی ریاست ایریزونا میں تباہ ونے والے طیارے کی خبر کو جعلی پراپوگنڈے کے لیے استعمال کیا ، جس میں کہا گیا ہے کہ یہ پاکستانی ایف سولہ طیارہ ہے جو وادی پنجشیر میں گر کر تباہ ہوگیا ہے ۔

احمد مسعود کے نام سے بنائے گئے ٹویٹر اکاؤنٹ سے جاری کی جانے والی تصویر میں طیارے کو پاکستانی ایف سولہ بتایا گیا ۔ جس میں لکھا کہ ہمارے شیروں نے پاکستانی ایف سولہ طیارہ مار گرایا ۔

تاہم بعد میں یہ ٹویٹ ڈیلیٹ بھی کردی گئی ۔۔

مودی میڈیا اتنا حواس باختہ ہوگیا ہے کہ پاکستان مخالف ویڈیو گیم کی فوٹیج چلا کر پنچ شیر میں پاک فضائیہ کی بمباری کا جھوٹا پراپوگنڈا کرتا رہا ۔